Kudeaketa Aurreratua Eredua

Eredu hau gauzatu izana EUSKALITek koordinatutako erakunde eta instituzio garrantzitsuenetako kudeaketako adituen parte-hartze eta adostasunaren emaitza da.

Lehiakortasunean beharrezkoak diren hobekuntzak bilatzen enpresak orientatzea du helburu, azken hamarkadetan hainbat esparrutatik ekarritako kudeaketa-kontzeptuak bateratuta: ezagutzaren kudeaketa, erabateko kalitatea, bikaintasuna kudeaketan, berrikuntza eta enpresen erantzukizun soziala, besteak beste.

Ereduan jasotako 6 elementu nagusiak oinarri dira erakundeen lehiakortasuna egituratzeko kudeaketa-sistema garatzeko. Horrek berekin ekarriko du:

• Pertsonengan proiektu partekatu bati atxikita egotearen sentimendua sorraraztea.
• Enpresa bezeroengana orientatzea, balio-ekarpen bereizgarria eginda.
• Berrikuntza enpresaren esparru guztietan aplikatzea.
• Gizartearekiko konpromisoa bultzatzea, garrantzizko lehiakortasun-ahalmenen hornitzailea den heinean.
• Epe luzerako ikuspegia sortzea, argiro zehaztutako estrategia baten bidez gauzatuko dena.
• Interes-talde guztientzat gogobetegarriak izango diren emaitzak lortzea, modu iraunkor eta orekatuan.

IMS Aholkularitzak honakoa eskaintzen die enpresei:

• Auto-ebaluazioa egiteko laguntza, Eredu Aurreraturen arabera.
• Eredua garatzeko eta martxan jartzeko laguntza, erakundeen errendimendua hobetzea eta interes taldeen aurreikuspenak betetzea ahalbidetzen duten tresnak, metodoak eta ezagutzak eskainiz.
• Kanpo ebaluazio prozesuan laguntza.